Blognya Anak Lombok

Basa Sasak bekadu eleq gurni Lombok, kekaduan sopoq suku bangsa siq ratusan luegna eieq gumi Indonesia sine. Suku bangsa sino arana suku Sasak utawi etnis Sasak.

Lombok. asal sebutana Lomboq, artina lures. Jari, lamuna dengan siq nyebut Lombok sine artina cabe, jelas­jelas salaq. Sengaq, lamuna cabe basa Sasak sebutana sebiya. Arti gumi Lomboq siq tetu-tetu kenaq, lurus atao (utawi) bender. Ngumbe mawanan beJeiuluk lomboq utawi lurus utawi bender?

Niniq-kakiq, papuq baloq suku Sasak sine asalna cecampuran penduduk kuni gumi Lomboq kanca pendateng lengan gumi Jawa Tengaq siq kesurah bejejuluk gumi Mentaram (Mataram), eleq jaman Datu Moter siq bepasengan Rakai Pikatan kanca sebiniqna bepasenqan Pramudha­wardhani.

Bejejuluk Datu Moter, sengaq Datu (Raja) sine bekemeleq ngeluasang kuasana eleq selapuq gumi Jawa tipaq timuq – baret – lauq daya, timaq-timaqna liwat segara galuh (guar). Tujuana, gumi Mentaram – Jawa Tengaq adeqna bekeliut nyatuang Nuswantara siq jari cikal bakal gumi paer Indonesia sine

Waktuna pada rarut belueq-lueqan ngadu sampan siq cara laeq bejuluk Sak-Sak, araq siq tipaq gumi Bali, gumi Lombok jangka dateng gumi Flores.

Waktu sino gumi Lombok sine, endeqna man bodoeang aran (jejuluk siq lempeng). Kocap, araq siq ngaranina gumi Meneng – artina sepi/diam, araq masih siq ngaranina Selapawis.

Jari, sengaq niniq-kakiq papuq-baloq eleq jaman laeq lekes sino pada bekelampan lengan Baret lomboq (lurus) tipaq Timuq beterus taek eleq sopoq pelabuan poto timuq gumi sine, ahirna sebutna pelabuan sino Labuan Lomboq, siq jangka kane masih tetep bejejuluk Labuan Lombok (Lombok Timur). Betempuh kanca penduduk siq ash, lueq pada bejangkep (merariq), bedoeang bija-jari (menyah), minaq datu (raja) siq sebutna Kerajaan Lomboq. Kocap, kerajaan sine pusetna eleq Labuan Lomboq.

Sesampun menyah, lueq bija-jari, jari tanda pengenget­an teragaqna bekelampan lengan gumi Jawa ngadu sampan (Sak-sak), aranine senugaq turunana jari suku Sak-sak, ngoneq-ngoneq kesurah jari Sasak.

Seuwahna bedoe Datu (Raja), Labuan Lombok rame tedatengin isiq sudagar luah gumi Lombok, nendak beras, taum (tarum), kayuq Sepang dait macem-macem basil gumi Lombok, lueq datu luah Lombok meletang Lombok taoqna bekuasa. Lebih-kurang samas taun (400 tahun) pada pacu

ngaro-ngareng betaletan eleq senugaq lendang-bangket, eleq gumi Jawa kesurah sopoq kerajaan, Majepahit. Datuna sakti­mandreguna, semenoan juaq pepatihna. Datu Hayamwuruk timpal patihna Gajah Mada. Cita-citana araq sopoq. Pesopoq gumi Nuswantara (Nusantara) sine ngadu sopoq bendera beaq-poteq ngadu sopoq pemerentahan Majepahit.

Eleq jaman sino, Datu Lombok siq ngentiq kuasa utawi siq onang jari Perkanggo kerajaan Lomboq, bepasengan Prabu Rangkesari.

Datu Majepahit kanca Patih Gajah Mada ngirim utusan prajurit Majepahit ngaraqang congah (perang). Kocap siq utusna jari panglima perang, pepatihna siq bepasengan Mpu Nala. Sengaqna dateng selung-selung congah, datu Lomboq endeqna araq kesiapan perang, Prabu Rangkesari kalah, tewas (ninggal) dalem perang. Laguq bijajarina siq bini bepasengan Denda Ratnasari kanca selakiqna siq mula asalna lengan Majepahit bepasengan Raden Mas Pahit, pulih lolos teiring tipaq gawah Watuparang. Semenoan juaq rakyat Lomboq siq kehiar tipaq Lauq-Daya-Baret, sopoqangna malik munik (minaq) pemerentah siq haru, siq ahirna kesurah arana Selaparang, siq pusatna jeraq (betelah) ngadu Labuan Lomboq, pindahna ojok gawah Watuparang, munik desa – munik istana – munik pemerentahan Selaparang.

Disarikan ke dalam bahasa Sasak dari: Naskah Pengaruh Budava Asing terhadap Kehidupan Sosial Budaya Masrarakat Sasak, Departemen Pendidikan dan Kebudayaan, Proyek _Inventarisasi dan Dokumentasi Kebudayaan Daerah Provinsi NTB, Oleh: Drs. H. L. Muhammad Azhar dkk. 1996.

Rewrite by Rahmattulah Khomaeni– Cak mat

written by Hariman Marsapana